Category: Events

உள்ளூர் அபிவிருத்தி உதவி திட்டத்தின் நிதி ஒதுக்கீட்டீன் கீழ் நானாட்டான் பிரதேச சபைக்கு அளிக்கப்பட்ட அனைத்து உப கருத்திட்டங்களையும் வரையறுக்கப்பட்ட குறித்த காலப்பகுதிகளின் பௌதீக மற்றும் நிதியியல் ரீதியில் வெற்றிகரமாக நிறைவேறியதையிட்டு மன்னார் மாவட்டத்தில் நானாட்டான் பிரதேச சபை மட்டுமே கௌரவத்தினை பெற்றது. LDSP நிதி ஒதுக்கீட்டுக்கான செயலாற்றுகை மதிப்பீடு Performance assessment ல் மாவட்ட மட்டத்தில் முதலாவதாகவும் மாகாண மட்டத்தில் மூன்றாவதாகவும் வந்து அதிக நிதியீட்டத்தினை பெற்றதும் குறிப்பிடத்தக்கது.  

நானாட்டான் பிரதேச சபையின் 2024ம் ஆண்டுக்கான ஒளி விழா 26/12/2024 அன்று நானாட்டான் பிரதேச சபை கலாசார மண்டபத்தில், நானாட்டான் பிரதேச சபை ஊழியர் நலன் புரிச்சங்கத்தின் ஏற்பாட்டில் மிகவும் சிறப்பாக நடைபெற்றது.

நானாட்டான் பிரதேச சபையின் 2024 ம் ஆண்டு பாதீட்டு நிதி ஒதுக்கீட்டுக்கு அமைவாக 2024 மார்கழி 20ம் திகதி நானாட்டான் பிரதேச சபையினால் நானாட்டான் ஆரோக்கிய மாதா முதியோர் சங்கத்தில் நடைபெற்ற முதியோர் கௌரவிப்பு விழாவும் ,முதியோருக்கான நுளம்பு வலைகள் வழங்கும் நிகழ்வும்.

எமது அலுவலக உத்தியோகத்தர்களுக்கு கணணி மற்றும் இணையம் சம்மந்தமான அறிவை மேம்படுத்தும் பொருட்டு எமது அலுவலக உத்தியோகத்தரான திரு.அ.நித்தியநர்மதன் அவர்களால் 19.12.2024ம் திகதி கணணி மற்றும் இணையம் தொடர்பான பயிற்சி வழங்கப்பட்டது.

வங்காலை கிராமத்தின் புனித ஆனாள் ஆரம்ப பாடசாலையின் பின்பக்க வீதி வேலையானது பன்முகப்படுத்தப்பட்ட பாதீடு – 2024 நிதியின் கீழ் ரூபா 475,000.00 இற்கு நானாட்டான் பிரதேச செயலகத்தினால் வங்காலை கிழக்கு மாதர் கிராம அபிவிருத்தி சங்கத்திற்கு ஒப்பந்தம் வழங்கப்பட்டு நானாட்டான் பிரதேச சபையினால் நிறைவுறுத்தப்பட்டு மக்களின் பாவனைக்காக கையளிக்கப்பட்டுள்ளது.

நானாட்டான் பிரதேச சபையில் இன்றைய தினம் (11.12.2024) நானாட்டான் பிரதேச சபையின் அலுவர்கள் மற்றும் பணியாளர்களுக்கான மருத்துவ பரிசோதனை முகாமும், விழிப்புணர்வு கருத்தமர்வும் நடைபெற்றது. இதற்கு தலைமை தாங்கிய நானாட்டான் சுகாதார வைத்திய அதிகாரி , முருங்கன் வைத்தியசாலை வைத்திய அதிகாரி மற்றும் பற் சுகாதார வைத்திய அதிகாரிகள் , மருத்துவ உத்தியோகத்தர்கள் , பணியாளர்கள் அனைவருக்கும் நானாட்டான் பிரதேச சபை சார்பான நன்றிகள்.

வெள்ளனர்த்தம் காரணமாக ( 23.11.2024 - 28.11.2024 வரையான காலப்பகுதியில்) ஏற்பட்ட இயல்புநிலை பாதிப்பின்போது இரவு பகலாக சேவையாற்றிய நானாட்டான் பிரதேச சபை ஊழியர்களை கௌரவபடுத்தும் முகமாகவும், உதவி செய்யும் முகமாகவும் செயலாளரின் வேண்டுகோளிற்கு அமைவாக மன்னார் Rotary கழகத்தினால் நானாட்டான் பிரதேச சபை ஊழியர்களுக்கான அத்தியவசியப் பொருட்கள் வழங்கிவைக்கப்பட்டன.

2023ம் ஆண்டிற்கான சிறந்த கணக்குகள் மற்றும் அறிக்கையிடலில் நானாட்டான் பிரதேச சபையானது BMICHல் வைத்து 02.12.2024அன்று இலங்கை பட்டயக்கணக்காளா் நிறுவனத்தினா் மற்றும் APFA நிறுவனத்தினரால் CERTIFICATE OF COMPLIANCE உயர் விருதினைப் பெற்று எமது மாவட்டத்திற்கு பெருமை சேர்த்துள்ளது. இவ் விருதினை பெற வழிகாட்டல்களை வழங்கிய செயலாளர் திரு.X.L.றெனால்ட் அவர்கட்கும் , இவ்விருதிற்காக கடந்த ஆண்டு அயராது பணியாற்றிய அலுவலக உத்தியோகத்தர்கள் மற்றும் இவ்வறிக்கையினை திறம்பட உருவாக்கிய எமது உத்தியோகத்தா்களுக்கும் சபையின் சாா்பாக வாழ்த்துக்களையும் பாராட்டுக்களையும் தெரிவித்துக்கொள்கின்றோம்.

இசைமாலைத்தாழ்வு விளையாட்டு மைதானத்தின் உள்ளக வீதிக்கான Hume Pipe பொருத்துதல் வேலையானது பன்முகப்படுத்தப்பட்ட பாதீடு – 2024 நிதியின் கீழ் ரூபா 50,000.00 இற்கு நானாட்டான் பிரதேச செயலகத்தினால் இசைமலைத்தாழ்வு கிராம அபிவிருத்தி சங்கத்திற்கு ஒப்பந்தம் வழங்கப்பட்டு, நானாட்டான் பிரதேச சபையினால் நிறைவுறுத்தப்பட்டு மக்களின் பாவனைக்காக கையளிக்கப்பட்டுள்ளது.